緣味小聚 (93WYS)

營業中

休息中

尋日係我第一次去呢一間喺牛頭角區嘅緣味小聚，上網見到呢一間餐廳係做緊5小時任食鮑魚海鮮蒸鍋！一見到就已經覺得好吸引！重點嘅係一啲都唔貴，所以就同埋男朋友過咗嚟呢度食飯！食蒸鍋最開心嘅就係可以食得到海鮮嘅原汁原味！基本上只要食材新鮮，就一定會好食！所以首先就叫咗一份海鮮盛盤，可以試晒唔同嘅海鮮！整體來講，呢度嘅海鮮真係好新鮮，而且好大隻，餐廳真係非常之有誠意，我諗如果呢啲海鮮就算出去買黎自己食嘅話，都唔平！我自己好鍾意食呢一個韓國大鮑魚，呢隻鮑魚真係大大隻，而且非常爽滑彈牙！我自己再加咗少少豉油提鮮就已經覺得好好食！