影片
更多
2024-12-13
260 瀏覽
旺角兆萬中心一向都係搵野食嘅集中地, 講打邊爐都有好多間比你揀呀! 係16樓呢間壹火鍋, 我已經二次嚟食, 佢主打任飲任食雞煲火鍋放題, 分不同入座時段, 就有不同價錢, 價錢適中。另外仲可以額外加錢, 無限追加, 星期日至四晚市(6:00-6:30入座)火鍋放題 $199位, 繁忙時段(6:30-9:00pm) 入座都只係$209, 真係好抵! 6:30後入座都好快滿座呀! 11:00後都只係$179, 宵夜啱哂啦!餐廳環境乾淨企理, 自助形式, 蔬菜, 丸類、醬料、麵食、飲品及雪糕等都可在外面自取; 醬料都有15款比你任配呀, 有幾款醬都好特別, 皇帝醬, 皇后醬, XO醬, 香辣醬…丸類都有啲幾特別, 雜菜丸, 咸蛋殼蝦丸…其他肉類, 餃子類, 炸魚皮, 海中蝦, 海白鱔, 鮮脆鯇骨腩及鮮魚頭雲等等等可用QR落單, 款式都幾多呀。而家餐廳仲做緊三重賞, 只要影職員指示圖片, 然後係社交平台share比朋友, 就會有雞煲同黑毛素肚無限追加, 另外仲送頂級和牛拼盤。雞煲就食完直接加湯打邊爐, 如果唔食雞煲, 火鍋湯底可揀鴛鴦湯底或中式湯底; 而我哋就揀中式湯底 – 卜卜蜆。呢個湯底好
餐廳環境乾淨企理, 自助形式, 蔬菜, 丸類、醬料、麵食、飲品及雪糕等都可在外面自取; 醬料都有15款比你任配呀, 有幾款醬都好特別, 皇帝醬, 皇后醬, XO醬, 香辣醬…丸類都有啲幾特別, 雜菜丸, 咸蛋殼蝦丸…其他肉類, 餃子類, 炸魚皮, 海中蝦, 海白鱔, 鮮脆鯇骨腩及鮮魚頭雲等等等可用QR落單, 款式都幾多呀。
而家餐廳仲做緊三重賞, 只要影職員指示圖片, 然後係社交平台share比朋友, 就會有雞煲同黑毛素肚無限追加, 另外仲送頂級和牛拼盤。
雞煲就食完直接加湯打邊爐, 如果唔食雞煲, 火鍋湯底可揀鴛鴦湯底或中式湯底; 而我哋就揀中式湯底 – 卜卜蜆。呢個湯底好鮮甜, 有好多蜆, 冬瓜, 仲加咗黑椒調味。卜卜蜆都幾大粒, 新鮮鮮甜好味呀!
頂級和牛拼盤
呢個係share 送的! 見到已經好想食, 顏色睇落已經好新鮮; 和牛有五款, 手切封門柳同極上, 極上牛板腱就比較厚身同瘦; 嚴選牛肩胛同和SRF牛肉眼脂肪分佈均勻, 安格斯牛小排脂肪就比較多少少。整體和牛味道較濃, 有口感, 肉質軟嫩, 真係一啲都唔馬虎, 好高質呀!
黑毛素肚
好少有火鍋店會有呢款配料, 佢係用魔芋制成, 好有真實感, 而且低熱量同零卡路里, 口感爽脆, 佢吸晒湯嘅精華, 好好食, 仲可以無限追加 !
刺身拼盤(無限追加) 每位+$50
賣相好得呀, 有三文魚, 希靈魚, 立魚, 甜蝦, 赤貝, 蟹柳, 榮螺片, 鮑片, 八爪魚, 墨魚等; 呢個拼盤味道, 素質都好好, 新鮮鮮甜, 每款都充滿光澤, 肥美。每位+$50比你無限追加, 你話係未好抵呢!
鮑魚海鮮船(一次性) 每位+$50
海鮮種類都多呀, 有鮑魚, 大海蝦, 上枱仲見到好生猛, 會郁呀! 仲有帶子, 好大隻嘅生蠔, 龍躉片, 珊瑚蚌, 幾款大蜆類。真心好抵, 每位加50蚊就有咁多嘢食, 而且超新鮮, 食落夠甜夠鮮味, 街市都買唔到呢個價呀!
飲品/ 雪糕
飲品/ 雪糕都係任飲任食! 飲品有果汁, 茶, 啤酒都有。
張貼
