甜入心 (好運中心) (已結業)

本身係廿幾年既沙田友，好耐冇去沙田食飯，難得去完陳根記，打算係沙田食甜品，見到呢間呢幾年先出現既甜品店，又成十個人排隊，即刻衝去睇下有咩咁吸引！原來係椰子愛好者既甜品店，真係好少見，餐牌上既甜品名更加係風趣又幽默，仲有故事講解(自己去睇啦)，唔怪得揀食咩都用唔少時間啦！叫左出浴椰皇子，朱古力綿綿冰，腐竹湯圓試一試中西糖水甜品有幾出色。椰皇子就真係有創意又有真材實料，一啖有齊椰子，布甸同啫喱，有口感，有味道，又唔太甜，好過癮！朱古力綿綿冰就特濃朱古力，冇水份，好有誠意既冰！最後個湯圓仲有得選兩粒唔同味道既台灣湯圓。等左十個人先入到去加上坐到好迫都算抵返曬！環保小貼士，如果免費果茶唔係洗用紙杯裝就完美啦！大家記得自己帶杯/水樽去裝啦！