四寶食堂 (將軍澳中心)

營業中

休息中

早前咁啱要到將軍澳中心做野，做完野咁架要約下住附近朋友一齊食下飯傾下計啦，其實將軍澳中心真係幾多食肆林立，想食咩都有呀，最後我地見到「四寶食堂」，呢間餐廳係新開而家係試業中，但都好多人等位，見到新餐廳都咁多人等啲口水準應該唔差，我地就一於去食下啦。大排擋龍鬚豉油王炒麵呢個麵真係超水準，好有鑊氣，炒得好香，我同朋友係秒殺左呢碟炒麵。養生燉湯餐養生燉湯餐有每日精選燉湯、小菜、白飯一碗都係$88-$98到，重可以加$28元要開胃前菜。燉湯今日燉湯係燉木瓜雪耳豬肉湯，果湯好潤喉好啱而家秋天乾燥天氣飲用，同埋果湯一啲都唔會油。星洲醬金薯牛仔骨小菜我地就叫左星洲醬金薯牛仔骨，星洲醬好野味但可惜啲牛仔骨有啲肥，但牛仔骨醃得好入味，好好餸飯。川式麻辣豬肚絲呢個又係好鬼野味，麻麻辣辣好開胃，而佢果辣度係BB辣，好啱啲唔太食得辣朋友食都OK。熱奶茶呢間熱奶茶好合格，茶香濃又好滑。