影片
更多
2021-05-17
43 瀏覽
10世都唔過嚟一次太古城過開嚟做嘢就順便同朋友一齊食埋晚餐係OpenRice見到呢間新加坡餐廳好似都幾高分，就過嚟試吓～依間chatterbox express位於住宅區入邊，其實都幾夾攝，我哋都搵咗成15分鐘先搵到間餐廳😂 可能由於喺住宅區相對比較靜，我哋去到嘅時候8:00但係餐廳入邊都只係得兩三台客，唔洗等直接Walk in就得啦！呢間餐廳主打係快餐式嘅新加坡菜，裝修都比較新式啲，而且每張枱上面都有個QR code點餐，非常方便👍🏻餐廳主打食海南雞、肉骨茶、喇沙、炒粉麵飯等等，亦可以加配特色新加坡小食～ 飲品方面亦都相當有新加坡特色！最後見有限時精選，於是就嗌咗呢個咖喱豬肋骨煲（配白飯同埋香脆薄餅），仲送一客小食，我哋揀咗炸素春卷～由於已經有飯啦所以我哋就嗌左一個新加坡肉骨茶麵線套餐～雖然已經叫咗兩份餐飯我哋都忍唔住嗌多個鹹蛋黃雞翼😋至於飲品我哋叫咗一杯凍美祿恐龍，同埋一杯凍椰子冰茶！用QR code點完餐等咗大約15分鐘啲嘢食就已經到齊晒啦！首先講吓個肉骨茶米線，呢個肉骨茶唔似馬來西亞嘅肉骨茶咁重藥材味，顏色亦都係偏淡色，食落去有好重嘅白胡椒香，少少辣！至於個肉係用一字排，食落去
過開嚟做嘢就順便同朋友一齊食埋晚餐
係OpenRice見到呢間新加坡餐廳好似都幾高分，就過嚟試吓～
依間chatterbox express位於住宅區入邊，其實都幾夾攝，我哋都搵咗成15分鐘先搵到間餐廳😂
可能由於喺住宅區相對比較靜，我哋去到嘅時候8:00但係餐廳入邊都只係得兩三台客，唔洗等直接Walk in就得啦！
呢間餐廳主打係快餐式嘅新加坡菜，裝修都比較新式啲，而且每張枱上面都有個QR code點餐，非常方便👍🏻
餐廳主打食海南雞、肉骨茶、喇沙、炒粉麵飯等等，亦可以加配特色新加坡小食～ 飲品方面亦都相當有新加坡特色！
最後見有限時精選，於是就嗌咗呢個咖喱豬肋骨煲（配白飯同埋香脆薄餅），仲送一客小食，我哋揀咗炸素春卷～
由於已經有飯啦所以我哋就嗌左一個新加坡肉骨茶麵線套餐～
雖然已經叫咗兩份餐飯我哋都忍唔住嗌多個鹹蛋黃雞翼😋
至於飲品我哋叫咗一杯凍美祿恐龍，同埋一杯凍椰子冰茶！
用QR code點完餐等咗大約15分鐘啲嘢食就已經到齊晒啦！
首先講吓個肉骨茶米線，呢個肉骨茶唔似馬來西亞嘅肉骨茶咁重藥材味，顏色亦都係偏淡色，食落去有好重嘅白胡椒香，少少辣！至於個肉係用一字排，食落去係離晒骨亦都好鬆化～而麵線本人覺得偏腍，我鍾意食比較有咬口嘅！至於個咖喱豬肋骨煲，原來都係用一字排（當時醒唔起肉骨茶米線入邊都係用豬肋骨）但係不得不讚嘅係佢個咖喱，個人覺得佢嘅咖喱唔似泰式嘅咖喱，而係偏向似印度咖喱，食得出用咗好多香料，有好大浸九層塔嘅香味！嗰個咖喱汁我哋兩個都好鍾意， 最後就算好飽我哋都要嗌多個白飯黎送晒個咖喱汁佢😋！
春卷就真係好普通，不過送嘅唔使錢就算啦！至於嗰個鹹蛋黃雞翼，又係做得好好，係用雞全翼，而雞翼係預先炸過，再落鹹蛋黃醬翻炒， 所以雞翼食落去都仲係好脆，而鹹蛋黃醬係包住晒整隻雞翼嘅每一個部份，食落去相當滿足亦都非常邪惡😈 不過一份四隻太多啦，如果有一份兩隻就perfect!
張貼
