On Time Coffee & Kitchen (已結業)

🏠on time coffe & kitchen🍜: 活力蟹肉蕃茄濃湯烏冬配煎蛋加丹麥多士💁🏻‍♀️一般都好少會食早餐，因為成日都唔知醒今日難得早起身，化好個妝就早啲出門口去搵正正子早餐食❤️💁🏻‍♀️朋友介紹話呢間餐廳係黃店，仲要好好食😋咁一定要過嚟幫襯下！！💁🏻‍♀️活力蟹肉蕃茄濃湯烏冬🤣🤣呢個活力蟹肉個名好得意，唔知邊個改嫁呢🤣但係佢嘅蟹肉真係好多，我本身仲以為佢得少少份量，蕃茄濃湯真係好濃，好香嘅蕃茄湯味，如果唔講一定可以直接係當做番茄湯咁飲！烏冬好彈牙，唔係嗰啲一夾就林啤啤嘅烏冬😋💁🏻‍♀️另外佢嘅丹麥多士好好食！！真係好鬆化，好香！完全同一般出面嘅茶餐廳嗰啲麵包冇得比😍完全驚艷左我。鍾意食麵包嘅人一定一定要試吓呢度呢個丹麥多士！！