餃子縣餃子專門店 (已結業)

下午去開旺角行街 突然想食肥姐就行咗過嚟 不過超級無敵多人排隊 都係放棄 隔離呢間餃子県係新開 咁就食下佢啦 餃子其實我都好鍾意食 不過傳統口味就食到厭啦 好在呢間餃子県多咗好多唔同嘅新口味 仲有最近好hit嘅冰花煎餃添芝味樂園 聽個名就知係以芝士主打嘅餃子 裏面有四款唔同嘅芝士口味餃子 每款兩隻包括 三重芝士，黑松露芝士，蕃茄芝士同埋麻辣芝士 再加多四蚊可以轉做冰花煎餃 冰花煎餃上枱好靚仔 上面有一塊完整而且好巨型嘅薄脆 係用粉漿整成嘅 口感脆卜卜 餃子皮整得好薄 而且入面多汁 三重芝士芝士味超濃 而且啲湯汁爆出嚟 黑松露芝士既黑松味黑松露味亦都超濃 同肉味好夾 蕃茄芝士就好似pizza味咁 又有啲似卡樂b嘅薯片味 哈哈 麻辣芝士辣味唔太辣 但係好惹味 個人認為黑松露芝士同三重芝士都超好食 最後兩樣都再encore左 佢哋同冰花煎餃真係超級夾 仲叫左羊肉湯餃 黎到餃子店梗係試下傳統嘅口味餃子 羊肉微微嘅騷味 加上餃子入面超多湯汁正 醉雞翼 醉雞翼大大隻好巨型 而且雞皮好爽脆 肉汁多 又有杞子等嘅藥材 睇落好足料 五香牛展麵 成碗大大兜 上面嘅牛展有成六七塊 大大塊完全遮住下面嘅麵