御前大江戶日式料理 (已結業)

有朋友之前訂左位一齊約左去呢度食生日飯，見佢價錢唔係貴大家贊成可以去試吓，入到去，地方非常之寬敞，而且坐位都幾闊。只喺枱有啲細！場景佈置好有日本feel! 大家坐低冇耐即刻9秒9點菜，諗住食放題嘅食物會好普通，點知呢度嘅食物質素估唔到好有驚喜，食物非常之新鮮好食，而且食品選擇都幾多吓！最得意喺有新鮮即磨山葵(wasabi)!味道同包裝嘅wasabi好唔同，好天然同清香撲鼻！唔會太辣。本人最喜歡佢嘅手作壽司，好有創意同賣相，特別係黃金花之壽司，當中嘅海膽味新鮮香濃冇腥味，超正！仲有大大隻嘅鹽燒海蝦，火候燒得啱啱好，熱辣辣香味撲鼻，非常彈牙兼有口感😋！必食！而當日嘅生日優惠送上磯煮鮑刺身，鮑魚味香濃兼爽口彈牙，贊👍🏻！可以改善之處喺人手有啲唔夠，不過服務員態度都好好，follow up service 做得幾好！最後完場前仲有hagan daz雪糕作為甜品！真喺非常扺食超值！👍🏻👍🏻👍🏻