Clarence

營業中

休息中

今次同朋友慶祝生日，所以揀咗呢間餐廳，仲送埋即影即有俾我哋留念，十分貼心😋首先叫咗白酒青口，香蒜忌廉汁濃郁，青口鮮嫩，每一口都充滿海味，完全唔會膩。接住嚟係吞拿魚，搭配牛油果醬同乾蔥醬汁，口感滑溜，味道清新，真係好啱夏天食。然後就係牛肉他他，安格斯牛肉質地一流，加上魚子醬同醬油漬蛋黃，味道層次好豐富，令人回味無窮。最後，魔鬼魚配香料奶油同康堤芝士苦白菜沙律，香料味道獨特，奶油滑得嚟又唔膩，堪稱完美收尾！整體來講，呢餐真係食得開心，值得推介！