90s Lazy (先施大廈) (已結業)

一入到去就見到啲員工圍威喂，坐埋一枱㩒手機，已經覺得唔係好得。之後落嘢食，服務態度都好差，一個人做樓面，根本就唔夠，揾佢就黑面，冇嘢做就㩒電話。至於嘢食方面真係好一般，叫左個煙肉薯條，同埋五個主菜，薯條差唔多成最後先到，仲要係暖嘅，唔係熱嘅，不過好彩係脆嘅。朋友叫嘅黑松露燴飯，好淡味，啲飯又好冧，好似食緊粥。我嗰個就好一般。最重點嘅係，跟餐叫左杯30蚊嘅朱古力奶昔，佢一放低我已經即刻飲，完全冇朱古力味之餘，我覺得自己飲緊奶水，好稀嘅奶昔，冇食到有雪糕or任何cream狀物體，總之係一杯冇裝飾、好淡味嘅奶水，佢真係對唔住個價錢。如果佢唔係黃店，我會寧願飲麥當勞嘅奶昔。老闆應該係好慳家嘅人，亦有黃店應有嘅水準，完。