逸之燒 (已結業)

秋風起嘅晚上，對我黎講，就係一個流連居酒屋，食串燒嘅好時分。傍晚來到呢間日式燒物小店，急不及待入去坐低。店鋪係簡單日本家庭式小店裝潢，可能因為已經來過幾次，有莫名嘅親切感。食物價格亦好親民。胡麻冷豆腐（$22）麻醬鋪滿整個豆腐，豆腐本身口感軟滑，加上旁邊嘅青瓜、番茄同沙律菜，令人胃口大增。皇帝蟹肉壽司（$28）、腐皮壽司（$16）、劍魚壽司（$30）壽司整體都唔貴，最欣賞皇帝蟹肉壽司，蟹肉份量好多，而且新鮮充滿水分。上面仲有少量蟹膏作為點缀。黃花魚一夜干燒半條（$68）雖然係半條，但完全唔影響上碟嘅美觀度。魚皮燒得焦脆，而且魚刺處理得好好，可以放心地大口大口食。車厘茄串（$18）燒得熱熱的車厘茄，配上酸甜嘅醬汁，入口感覺飽滿豐厚。燒三文魚飯糰（$29）外層刷上日本醬油煎烤，遠處都聞到飯糰嘅焦香。加上紫菜食，外面香脆，裡面飯粒Q彈，而且餡料唔少。鹽燒雞翼（$35）、牛油粟米（$20）燒雞翼係我食串燒必點菜式。呢間嘅鹽燒雞翼質素唔錯，雞皮燒得均勻而且乾身，鹹度適中，同時能夠保留雞肉嘅潤滑感。