影片
更多
2007-05-05
29 瀏覽
2.5.2007 (Wed)講真，我申請King Parrot Group張member card成3年，都未食過喱間餐廳，因為間餐廳主打食生蠔，而我唔食。下年我應該唔會再續會架喇，見仲有張會員紅酒coupon、3隻生蠔free coupon & free dessert coupon，所以試！間餐廳環境真係唔錯，雖然係閒日，都有7成滿。我揀樓上雅座，藍色燈光照射下，感覺幾舒服，好有feel！我諗著叫杯水飲，侍應即刻問我要有氣定冇氣，我都意識到叫水係要錢。算啦，外國餐廳都係咁啦！最後，佢俾支Acqua Panna我，$38，O.K.啦！1) 麵包麵包好好味，有燕麥包、小法包& pizza包，包好脆，又熱辣辣，加黑醋& olive oil ，超正！真係估唔到，通常外國餐廳麵包都要俾錢，喱度又唔駛喎！2) 3隻生蠔(free coupon)侍應話係美國生蠔，但唔記得個名，size會細隻，但好甜同肥美。Ka Ho話好新鮮，幾好味，但我對生蠔冇咩研究，唔知係咪真係咁好味。但真係好多客都出去oyster bar度揀蠔，起碼叫一打，所以oyster bar師傳都好鬼忙！3) 意式龍蝦雲吞($110
講真，我申請King Parrot Group張member card成3年，都未食過喱間餐廳，因為間餐廳主打食生蠔，而我唔食。下年我應該唔會再續會架喇，見仲有張會員紅酒coupon、3隻生蠔free coupon & free dessert coupon，所以試！
間餐廳環境真係唔錯，雖然係閒日，都有7成滿。我揀樓上雅座，藍色燈光照射下，感覺幾舒服，好有feel！
我諗著叫杯水飲，侍應即刻問我要有氣定冇氣，我都意識到叫水係要錢。算啦，外國餐廳都係咁啦！最後，佢俾支Acqua Panna我，$38，O.K.啦！
1) 麵包
麵包好好味，有燕麥包、小法包& pizza包，包好脆，又熱辣辣，加黑醋& olive oil ，超正！
真係估唔到，通常外國餐廳麵包都要俾錢，喱度又唔駛喎！
2) 3隻生蠔(free coupon)
侍應話係美國生蠔，但唔記得個名，size會細隻，但好甜同肥美。Ka Ho話好新鮮，幾好味，但我對生蠔冇咩研究，唔知係咪真係咁好味。
但真係好多客都出去oyster bar度揀蠔，起碼叫一打，所以oyster bar師傳都好鬼忙！
3) 意式龍蝦雲吞($110)
一碟有4件，裏面龍蝦肉真係好爽口，加埋汁(有似千島汁)，一流！得4件少，6件就perfect！
4)墨汁意大利飯配炸蝦($130)
好多人都會覺得墨汁意大利飯好漏，但我都幾鍾意食。喱個飯唔錯，有少少牛油香味，幾好！
5) 什錦海鮮串配著仔雜菜(165)
*可任選飯、意粉或著仔雜菜*
醬汁：有7款可供選擇，我揀意大利黑醋紅菜頭汁
其餘有：
*香草蒜茸牛油汁、青檸牛油汁、紅花汁、甜椒汁、蕃茄青瓜蓉欖油、忌廉汁*
份量都好夠，有三文魚、銀雪魚、魷魚、帶子、大蝦，正！樣樣都好食，加埋著菜，$165唔算貴。不過，個意大利黑醋紅菜頭汁就冇咩特別，我都唔咁多，因為酸得際，搞到食唔到海鮮味道。
6) 意大利咖啡杏仁雪糕批(Free Dessert Coupon)
雪糕唔係太甜，好香，賣相好靚！
今餐真係好抵！用3張free coupon，會員埋單有85折，今餐用$420.9，就有1個頭盤、3隻生蠔、2個main course、1支紅酒、1支水& 1客甜品，正！
而且，喱度環境咁靚，又有氣氛！侍應服務又好，又有禮貌，唔錯！
如果喱餐冇coupon，我諗埋單起碼要$800。
張貼
