深燒酒 (已結業)

按摩完，就近想搵d嘢食完先返屋企，打開地圖依着良心搵，嗰時大約8點，見呢度雖然好似滿，但冇人喺門口等，就問吓，居然有位，因剛有人走，lucky day for us!店雖小，但佢地唔太aggressive ，所以都坐得ok舒服嘅。朋友嚟過，食物就由佢發辦。見到佢哋有支一期一會，就叫左之細嘅，點知唔夠喉，後來要再叫多支。早知一嚟就叫支大啦。我哋細食，所以唔嗌牛拼盤（佢哋嘅名菜之一）。但燒到脆卜卜嘅牛腸，甘香野味又有咬口、多肥少肉嘅五花腩，用嚟燒真係冇得輸、燒粟米連勁generous 嘅牛油上、燒菠蘿甜到漏、當然有唔少得嘅牛啦，我地揀咗牛脛脊，貪佢牛味濃、又嗌埋大家勁推介嘅辣螺配公仔麵（唔好問我個正式嘅餸名，我只負責食）真係大滿足，係自從個d爛鬼social distancing policies 實施以來，加上嗰d日日浸死我地嘅壞消息，真係好耐冇試過過一個咁舒暢而relax嘅晚上！呀，差d唔記得提佢個沙爹醬都好好味㗎。