凪豚骨拉麵 (已搬遷) 新店位置

一直想試呢間拉麵店好耐，聽聞唔錯，今次終於到訪啦！店舖比較細，枱不多，所以食飯時間到訪點都要排隊等位，不過同友人傾下計好快就有得入座～老闆注重食客意見，關心每一枱食客既拉麵好唔好食呀，啱唔啱口味呀等等，又會同客人介紹湯底既味道同分別，同佢傾咗陣計了解一下，店舖而家個名已經唔係叫BB Ramen，日本都有店，佢跟個日本師傅學咗好多年，好有heart!一向大愛黑蒜味道之食物，見到黑骨既選擇，已經下左決定拉麵軟硬度自訂，麵質彈牙，質感煮至我喜歡既，多蒜泥，豬骨湯底濃郁，黑蒜油好香口，夾雜墨魚汁令湯底夠黑，忍唔住不停咁飲個湯，而且湯唔油膩，飲完唔會太有罪惡感配菜有兩大塊薄瘦叉燒肉，質地軟稔，另可揀蔥花或椰菜絲，木耳絲同竹荀，足料。而友人點咗綠骨，香濃既pesto味，香草味好出，加咗芝士係面，幾特別，感覺會比較膩快飽，不過個人一向比較鍾情於蒜香多啲。另外，除咗regular 選擇，佢地仲會有期間限定味道，定期轉新口味新湯底，多啲新意比食客！下次再黎食呀！