影片
更多
2018-09-27
114 瀏覽
早幾日約左朋友去荃灣食飯，見到呢間餐廳以貓黎作佈置，所以吸引左我地去試下。位置都算方便，正正就係荃新天地二期對面。 餐廳佈置似酒吧，好有情調。我地好彩前一日訂左位，七點半去到已經好多人食緊啦。餐牌嘅選擇都算多，所有主菜加$50就可以轉做套餐，有餐包，餐湯，沙律，主菜，餐飲咁甜品。我地揀左兩個套餐，主菜就揀左德國豬手配酸菜同南瓜汁帶子意大利飯。值得一提嘅係職員好細心問我地係咪share食，因為share食的話就會幫我地逐個餐上，唔使吹凍啲食物。仲提我地意大利飯偏硬，要唔要煮淋啲。真係好貼心。落完單好快就上餐湯同麵包。 職員幫我地調教左個黑醋汁俾我地用麵包點黎食。啲麵包上枱仲係熱嘅，所以都幾鬆軟。 餐湯係蕃茄湯，比較特別嘅係個湯好多蕃茄茸，唔係茶記啲羅宋湯加水，又唔會太酸。飲完湯就上沙律，沙律菜就來來去去差不多，但個醬呢係加左啲芥末，唔會辣，酸酸地。之後就上主菜豬手啦，個造型真係滿手咖，成把刀插係隻豬手度，職員俾我地影晒相先拎返入廚房切！切完其實唔算好大隻，share食就剛剛好啦。 啲皮真係好脆，肉亦唔算咸，好驚喜，因為真係好少食到咁脆嘅豬手咖！食完豬手先再上個意大利飯。職員真係好細心，可
位置都算方便，正正就係荃新天地二期對面。 餐廳佈置似酒吧，好有情調。
我地好彩前一日訂左位，七點半去到已經好多人食緊啦。
餐牌嘅選擇都算多，所有主菜加$50就可以轉做套餐，有餐包，餐湯，沙律，主菜，餐飲咁甜品。
我地揀左兩個套餐，主菜就揀左德國豬手配酸菜同南瓜汁帶子意大利飯。值得一提嘅係職員好細心問我地係咪share食，因為share食的話就會幫我地逐個餐上，唔使吹凍啲食物。仲提我地意大利飯偏硬，要唔要煮淋啲。真係好貼心。
落完單好快就上餐湯同麵包。 職員幫我地調教左個黑醋汁俾我地用麵包點黎食。啲麵包上枱仲係熱嘅，所以都幾鬆軟。 餐湯係蕃茄湯，比較特別嘅係個湯好多蕃茄茸，唔係茶記啲羅宋湯加水，又唔會太酸。
飲完湯就上沙律，沙律菜就來來去去差不多，但個醬呢係加左啲芥末，唔會辣，酸酸地。
之後就上主菜豬手啦，個造型真係滿手咖，成把刀插係隻豬手度，職員俾我地影晒相先拎返入廚房切！切完其實唔算好大隻，share食就剛剛好啦。 啲皮真係好脆，肉亦唔算咸，好驚喜，因為真係好少食到咁脆嘅豬手咖！
食完豬手先再上個意大利飯。職員真係好細心，可能真係就返時間先煮個飯，所以上菜果陣真係熱到出煙咖，好香濃嘅芝士味，拉到絲果隻帶子煎左少少，所以個心個係生生地，咬落好軟。 至於個飯呢好彩有叫煮淋少少，剛剛好！
食完兩個主菜就上左甜品同餐飲。甜品係芝士蛋糕，餐飲都係熱檸茶熱奶茶果啲。
值得一提係呢度水幾特別喎，係青瓜水，好fresh 啊！
下次一定會再去試食其他主菜嘅！
張貼
