ENVY Restaurant & Bar (已結業)

愛周圍搵有心小店嘅我，今日嚟到大坑，發現一間得10多座位，做無國籍創意菜嘅8 course tasting menu。價錢$628一位，相比其他做tasting menu嘅小店平而多一至兩道菜。食材時令、賣相靚丶仲見到每道菜橱師嘅心機。同老闆傾咗陣，原來小店背後有好多理念，就係幫助香港業餘藝術創作者。店內有少量作品。食物方面 - ENVY garden，海鮮湯，馬頭魚，牛骨髓等，我本人非常滿意。加上店內有多種外面揾唔到嘅gin同sake，真好有心思。因我walk in, ,佢哋有隻得獎嘅斑斕鹽焗雞要兩日前預訂，所以要下次先有機會試。