影片
更多
2016-10-21
280 瀏覽
我以前中學個best friend前排終於過咗英國開學啦，好唔捨得佢呀！自從考完公開試之後佢就去咗外國讀書，每年暑假先番香港，但係佢好記得我係11月生日，所以佢臨飛之前就同我食咗生日飯！佢同我食飯個日好神祕呀，又唔話我知係邊度食，淨係叫我係銅鑼灣地鐵站等佢帶我去。佢帶我由F出口出，之後穿過渣甸坊，向時代廣場方向行，之後轉入去登龍街，原來佢帶咗我去永光中心，呢幢大廈有好多餐廳，我地入𨋢之後，佢撳十樓，一出就見到一間日本餐廳，叫勝八鉄板串料理。我個friend預先book咗枱，一坐低餐廳經理就講咗d是日精選，之後我朋友叫我自己睇menu叫d鐘意食嘅野。我今次就主打叫熟食，因為居酒屋會比較多唔同同特別嘅菜式，我就跟咗經理嘅提議叫咗磯煮鮑魚，一個刺身拼盤，胡麻雞翼，牛舌串燒，牛肉稻庭烏冬同巨峰梳打。首先黎ge係磯煮鮑魚，一見到第一個感覺係d鮑魚煮到好深色，一食入口係好稔，好入味，好鮮甜，大家一定要試試！第二個就係刺身拼盤，有三文魚、牡丹蝦、海膽、帶子、油甘魚同劍魚。其中最正嘅就係海膽同油甘魚，海膽極新鮮同鮮甜，配埋青瓜片一流！油甘魚食落甘香，充滿魚香味，又冇渣！其他都唔錯唔錯！第三個就係胡麻雞
佢同我食飯個日好神祕呀，又唔話我知係邊度食，淨係叫我係銅鑼灣地鐵站等佢帶我去。佢帶我由F出口出，之後穿過渣甸坊，向時代廣場方向行，之後轉入去登龍街，原來佢帶咗我去永光中心，呢幢大廈有好多餐廳，我地入𨋢之後，佢撳十樓，一出就見到一間日本餐廳，叫勝八鉄板串料理。
我個friend預先book咗枱，一坐低餐廳經理就講咗d是日精選，之後我朋友叫我自己睇menu叫d鐘意食嘅野。我今次就主打叫熟食，因為居酒屋會比較多唔同同特別嘅菜式，我就跟咗經理嘅提議叫咗磯煮鮑魚，一個刺身拼盤，胡麻雞翼，牛舌串燒，牛肉稻庭烏冬同巨峰梳打。
首先黎ge係磯煮鮑魚，一見到第一個感覺係d鮑魚煮到好深色，一食入口係好稔，好入味，好鮮甜，大家一定要試試！
第二個就係刺身拼盤，有三文魚、牡丹蝦、海膽、帶子、油甘魚同劍魚。其中最正嘅就係海膽同油甘魚，海膽極新鮮同鮮甜，配埋青瓜片一流！油甘魚食落甘香，充滿魚香味，又冇渣！其他都唔錯唔錯！
第三個就係胡麻雞翼，居酒屋將雞翼燒到脆卜卜，上面有芝麻粒，非常香同惹味！
第四個係牛舌串燒，牛舌好易燒到老，呢度嘅就岩岩好，咬落去仲有肉汁流出來。
第五個係牛肉稻庭烏冬，烏冬上鋪滿了牛肉片和紫菜碎，烏冬又彈牙爽口，比起出面其他地方果d好好多呀！
最後，我叫咗杯經理推介嘅巨峰提子梳打，咁呢餐就圓滿啦！
我好期待下次我朋友係英國番香港，可以再次一齊慶祝生日！張貼
