Aberdeen Street Organic Restaurant (已結業)

又是同好朋友聚餐的日子，朋友㨂左食西餐，在 Openrice 選了Aberdeen Street，咁就大家一齊去試下啦。比較少去港島區食野，相約上環地鐵站等，沿著鴨巴甸街行上去，原來是一條又窄又長又斜的斜路，行到去我們都氣來氣喘。坐低立即叫些小食先，先來香煎大蝦，蒜片香，略嫌蝦肉唔夠爽口，但整體都尚算不錯的。😊墨西哥粟米片脆口，芝士煙韌，連埋一齊食，咬落去既煙韌又脆口，好有口感。配有三款醬汁，因我個人不太喜歡沾醬汁食，所以冇評語，而朋友試左覺得沾蕃茄粒醬汁較好味，另外兩款白色和綠色的醬汁就麻麻地。孖寶漢堡，賣相迷你精緻，一款牛肉，一款雞肉，我個人比較喜歡雞肉那款，因牛肉配了羊奶芝士，因我唔食羊，所以覺得羊奶芝士味騷。主菜來啦，白酒煮青口配薯粒，這道菜今晚有點失望，味道也一般，青口略嫌細隻，扣分，反而亮點在薯粒，薯粒熱辣辣，薯邊脆口，十分好味，加分，這道菜價錢和食物質素不成正比，如不是薯粒好味而拉高評價，否則只值1粒星。隻青口太細隻啦，青口肉就不用多說了！肉眼牛扒，賣相不錯，因怕食太生，所以我地叫左七成熟，但看來差不多全熟。雖然熟左D，但仍然好好味，只是肉汁少左D，對我們無影響，但要扣分