八幡屋日本料理 (已結業)

今日同friend兩個人唸住去食放題，行過兆萬見到好多嬸嬸派傳單，都幾多放題店揀~同friend睇左陣決定試八幡屋~ 去八幡屋無得係地下直接搭lift上去，要搭扶手電梯上幾層再搭lift~入到去發覺地方唔算大，但都好多人，幾乎滿晒~Menu同一般放題餐廳既menu都差唔多，大同小異，同friend例牌都係點刺身，壽司，炸物，燒物，小食~以下幾款都幾好食，值得推介！1)黑松露帶子壽司: 黑松露味好出，帶子又鮮甜嫩滑，正~2)炸物(芝麻雞翼，香芋丸，日式炸餃子): 芝麻雞翼好香好脆。香芋丸個餡甜而不膩超好味。炸餃子外脆內嫩，個餃子餡好juicy.3)小食(雞肉串，咖喱魷魚): 雞肉串個醬調味剛剛好，雞肉都好滑。咖哩魷魚係因為好奇而點，但都唔錯，有街邊小食店既風味~4)甜品(泡芙，蘋果一囗大福): 泡芙有忌廉，綠茶同士多啤梨味，本人最鐘意士多啤梨味~ 蘋果一囗大福細細粒好fresh好清香!總括黎講食物質素同餐廳環境都算唔錯，上枱速度好快，侍應態度都好好，唯一缺點係兩人枱張枱比較細，要食得好快先夠位擺XD