濟州燒肉食堂

營業中

休息中

今日放咗工同朋友嚟九龍灣行街 諗住搵一間燒肉店食晚餐 行行吓就嚟到呢一間濟州燒肉食堂(九龍灣) 呢間燒肉店絕對係最近食過其中一間最好食嘅 而且個體驗亦都好好 成日食燒肉都會因為傾傾吓偈冇留意火候 將啲肉燒過龍 而呢間燒肉店嘅員工不時都會經過幫我哋留意住火候 非常貼心大牛骨一上菜嘅時候 店舖已經將大牛骨嘅肉切粒 方便我哋燒烤 肉粒嘅大小適中 經過燒烤之後 香軟嘅外皮將肉汁鎖喺中間 入口甘香濃郁濟州豪快黑毛豬五花肉呢一道黑毛豬五花肉 肥瘦均勻 經過燒烤之後 香醇嘅脂肪香味完全揮發出嚟 而且個厚度適中 入口嘅口感非常之實在 大大塊 好好食月見牛肩肉呢一道牛肩肉絕對係我自己其中一大喜愛 而且店員亦都親身過嚟教我哋點樣燒最好食 牛肉雪花嘅紋理分布均勻 燒烤之後香氣撲鼻 配上店舖秘製嘅雞蛋醬油汁 一啖肉一啖飯 令人停唔到口大八爪魚呢道大八爪魚算係咁多種肉類之中嘅一道點綴 店舖將原隻八爪魚用秘製嘅醬汁醃得微微鹹香 經過燒烤之後 入口爽脆彈牙 別有一番風味人蔘雞湯配白飯尼一碗湯絕對係重本之作 用完隻雞配上人蔘藥材 包裹住白飯 熬製成一碗濃郁嘅湯 飲落口唔單止有濃郁嘅雞香味 仲有啖啖嘅滑嫩雞肉 非常滋保