十六座車仔麵

營業中

休息中

晏晝食得太飽，行咗好耐都未消化🚶‍♂️🚶‍♀️，行到太子見到依間車仔麵🍲出面好多人等位，今餐就食車仔麵啦。鋪面裝修似以前啲舊屋村啲車仔麵檔，我估應該係老字號。仲標榜無味精。食完之後都覺得應該冇落味精，味道都幾重口味，翼尖，雞翼🍗幾入味，魚蛋都幾彈牙🍡，其他食材就普普通通，我叫咗少辣但都幾辣🔥，湯底亦略為油，價錢方面💰，雖然份量都幾大碗，但如果收平啲就合理啲。舖面，枱面都幾乾淨，食物都用托盤俾客人，筷子用即棄，坐位有少少窄，但整體感覺唔講得上好舒服，但乾乾淨淨，整整齊齊,冇小昆蟲快嚟快去，車仔麵店都好難得，而招呼客人嘅姐姐，幾好笑容幾friendly。