Wanna Eat

營業中

休息中

如果你去新蒲崗食飯，你一定要試吓呢一間Wannaeat餐廳，因為佢嘅嘢食真係好好味。我特別推介佢嘅中餐，尤其係拔絲咕嚕肉同埋麻婆豆腐，咁每個中菜都會有飯同埋兩款小食包括蓮藕同埋木耳。佢嘅拔絲咕嚕肉係甜嘅，而且一拎起身會拉絲，非常之好睇同邪惡。加上佢食落去嘅口感係外脆內軟，而且咕嚕肉勁大粒，甜甜地，比坊間嘅咕嚕肉更加好食。而麻婆豆腐嘅醬汁非常少少麻辣，非常惹味，再加上滑豆腐入口即溶嘅感覺，非常之正，而且豆腐亦都非常入味。另外餐飲半價，所以我哋叫咗荔枝冰茶同芒果冰茶，無論係荔枝冰茶定芒果冰茶，兩者味道都唔會太甜，非常之好。我其他朋友仲推介我食佢嘅牛扒添，如果有機會嘅話，下次會試吓。