紫宸

營業中

休息中

我同朋友鍾意捐窿捐罅去搵嘢食，今日我地去葵芳行街，係恒景商場發現一間台式小店紫宸，食物好有特色，價錢亦好抵。 店舖唔係好大，但係好乾淨。大約六點鐘，我地就去到，但已經有客人喺度食緊晚飯，無幾耐越嚟越多人。 招牌藥燉排骨一放低就嗅到一陣好香嘅藥材味，排骨燉得好淋，好咬口，藥材湯好濃郁，好好味，再加上一碗台式滷肉飯，同藥材湯和排骨好夾。 中東牛肉蛋餅切開有5大舊，牛肉餡料好足，牛肉好滑，有咬口，外面包左蛋餅，牛肉同蛋香配合，好味推介。 蚵仔煎好有台灣味道，蚵仔多又大隻，加上酸酸甜甜的汁，好特別，好開胃！ 通菜新鲜，加上肉碎好惹味，再加上2杯豆漿，好滿足。