影片
更多
2019-08-16
52 瀏覽
又到星期五晚； 網上睇到元朗有間新開嘅粥底火鍋， 見新開有特價（原價248一位， 特價198一位）， 立即同朋友去試下。 落車跟住google map 行， 離遠已經到到個大招牌！Order 咗粥底火鍋套餐，套餐包兩款特選海鮮、五款自選海鮮、三款粥底蔬菜、+8款火鍋配料。 特選海鮮有鮮蟹同埋沙白， 另外自選海鮮就點咗海蝦、鮑魚、聖子皇、黃沙大蜆同埋貴妃蚌。而火鍋配料就點咗， 墨魚丸、豬肉、肥牛、黑椒牛丸、鹹蛋豬肉丸、午餐肉、腐皮墨魚卷、同埋娃娃菜。全部海鮮都好新鮮！好新鮮！好新鮮！ 蟹有膏， 有蟹味🤣。 蝦鮮甜彈牙， 聖子夠大隻， 鮑魚爽口彈牙。 全部都好新鮮，鮮甜， 冇得頂！配料全部都唔錯。 最特別係鹹蛋豬肉丸， 好正， 老闆娘話係佢地鋪頭特製。 墨魚丸都唔錯， 彈下彈下！ 午餐肉有三塊， 如果比四塊會更好。 食到尾聲， 可以叫侍應姐姐加埋粥料、 攪幾下就有粥食， 食埋用海鮮打邊爐嘅精華。 飲品點咗「老闆押水果茶」，一杯水果茶目測有成公升都只係42蚊， 呢個價錢真心平！ 水果茶內有橙、蘋果、菠蘿、青檸仔， 仲有兩粒話梅。 埋單480兩位， 呢個價錢食到海鮮同埋幾款配料， 仲有個海鮮
Order 咗粥底火鍋套餐，套餐包兩款特選海鮮、五款自選海鮮、三款粥底蔬菜、+8款火鍋配料。
特選海鮮有鮮蟹同埋沙白， 另外自選海鮮就點咗海蝦、鮑魚、聖子皇、黃沙大蜆同埋貴妃蚌。而火鍋配料就點咗， 墨魚丸、豬肉、肥牛、黑椒牛丸、鹹蛋豬肉丸、午餐肉、腐皮墨魚卷、同埋娃娃菜。
全部海鮮都好新鮮！好新鮮！好新鮮！ 蟹有膏， 有蟹味🤣。 蝦鮮甜彈牙， 聖子夠大隻， 鮑魚爽口彈牙。 全部都好新鮮，鮮甜， 冇得頂！
配料全部都唔錯。 最特別係鹹蛋豬肉丸， 好正， 老闆娘話係佢地鋪頭特製。 墨魚丸都唔錯， 彈下彈下！ 午餐肉有三塊， 如果比四塊會更好。 食到尾聲， 可以叫侍應姐姐加埋粥料、 攪幾下就有粥食， 食埋用海鮮打邊爐嘅精華。
飲品點咗「老闆押水果茶」，一杯水果茶目測有成公升都只係42蚊， 呢個價錢真心平！ 水果茶內有橙、蘋果、菠蘿、青檸仔， 仲有兩粒話梅。
埋單480兩位， 呢個價錢食到海鮮同埋幾款配料， 仲有個海鮮味嘅粥， 算係好抵！
7 瀏覽
0 讚好
0 留言
張貼
