肥姐蠔餅婆

營業中

休息中

夜晚食咗啲嘢，唔係好夠喉又口痕痕想食啲小食，行過教育路大水渠邊見到肥姐蠔餅婆，去買番份返屋企食先。等緊肥姐煎蠔餅嗰陣時，佢介紹泰式鳳爪，話酸酸辣辣，味道好正。又好，加多一份！一煎好就馬上開車返屋企嘆。返到去蠔餅仲熱熱地，加少少魚露仲帶出蠔嘅鮮味，個邊仲有啲趣，無得頂。👍跟住試埋啲鳳爪，肥姐俾咗啲秘製嘅辣椒醬，大中小辣，適除尊便。我鍾意食辣，所以落晒成包。濃濃嘅酸醋加埋勁辣嘅汁，簡直係挑戰你舌頭上嘅味蕾。話咁快兩公婆就清晒呢2樣咁正嘅小食。睇吓幾時再去搵肥姐又食過，不過記住佢逢星期四放假㗎！