月．火鳳燒鳥 (已結業)

串燒Omakase 係香港第一次食，你可以根據自己個Budget叫廚師安排，樓上仲有榻榻米，好有日本風格，如果人多仲可以包場。餐廳嘅服務好好，每上一碟菜都會介紹下特色。廚師係即整，食完一碟先上第二碟，唔會趕急。前菜凍豆腐，之後係刺身，到兩呢度啲食物全部都好新鮮，最鐘意係炸物，吉列廣島蠔同吉列帶子，皮脆得黎又唔厚炸粉。廣島蠔味道濃郁，點埋旁邊師傅自家製嘅醬汁一流，帶子冇炸得過熟，唔使點醬已經夠味，啱啱好😋仲有就係串燒，呢度全部都係炭爐即燒，秋葵加左魷魚絲係面好創新，一口茄子好似入口即溶咁，燒五花腩肉好肥美，燒鯛魚配埋個醬汁好夾。