Hero's Friday (已結業)

一路都bookmark咗呢間burger好耐！因為佢有得揀得包做pancake勁特別!！睇ig 見佢地整咗個自家app 可以用app 落單～所以我哋就到嗰陣時就嗌定外賣 好快就有得拎！另外原來有全港送貨，即係送到屋企或者手機自助落單到取都得～超方便男朋友就叫咗個神盾漢堡，講下個包皮先，我覺得佢整得合格，因為起碼係乾身同有個shape係到(*ˉ︶ˉ*)個餡就好豐富！蔬菜蕃茄夠新鮮而且份量都多，入面塊薯餅同牛肉都係即炸即煎，食落口仲係熱同脆！兩樣野原本就夾，全部野加埋好好入口，嗰醬有少少偏酸，建議去可以叫少醬薯餅熱辣辣脆扑扑超正！好耐冇食過薯餅了ಥ_ಥ我就叫咗鳳凰漢堡轉pancake！一開始有少少驚會唔夾！但係夾埋又幾好食喎！就咁食pancake甜甜地都食到啲蛋味～而且唔會好實好乾咁！我鍾意pancake 多個包！雞扒都勁大塊！勁嫩勁juicy(///▽///) 來埋咸甜咸甜咁勁好食！