影片
更多
2015-03-06
1050 瀏覽
今晚同朋友放工決定搵cafe食下野，傾下計，經同事介紹下。就黎試下呢間。之前食十間樓上鋪，八間都係d野唔好食，但今次呢間真係打破左傳統。首先，講環境，呢度都唔錯，靜靜地，氣氛幾好，好適合安靜傾下計，睇餐牌之後，價錢也不算貴。我地好快就決定左食d咩，而同事叫我記住一定要食豬手同蟹焗意大利飯，我地當然都有跟足"指示"，好快湯就黎左啦。呢個湯非常唔錯，濃濃的南瓜味加上淡淡的忌廉，而且湯不會太稀或是太"傑"，濃度岩岩好。之後到沙津及前菜，帶子沙津d菜好新鮮，食完好開胃，但最正係粒帶子，燒得好香，而且整盤沙津也有柚子汁的味道，令到沙津菜味道更加豐富而且能夠突出帶子既鮮味。炒香菇什菌都炒得好香，食到停唔到口，絕對係小食既必選之一。
跟住終於等到呢個意大利飯，侍應離遠行緊黎，已經聞到d香味，黑松露仲要係另上!! 唔好以為蟹裡面係冇野，內裡係充滿飯、蟹膏同蟹肉，份量其實都唔細，將d飯加黑松露混合一齊食，簡直係人間極品，絕對係我成世人食既意大利飯黎講最好食，飯夠黏加上蟹膏撈埋一齊、食落一點也不膩，一般的意大利飯都好膩，但今次呢個我地係食到停唔到口。大家都話"早知一人食一個啦"，真係回味無窮。
豬手好大隻
之前食十間樓上鋪，八間都係d野唔好食，但今次呢間真係打破左傳統。首先，講環境，呢度都唔錯，靜靜地，氣氛幾好，好適合安靜傾下計，睇餐牌之後，價錢也不算貴。
我地好快就決定左食d咩，而同事叫我記住一定要食豬手同蟹焗意大利飯，我地當然都有跟足"指示"，好快湯就黎左啦。
呢個湯非常唔錯，濃濃的南瓜味加上淡淡的忌廉，而且湯不會太稀或是太"傑"，濃度岩岩好。
之後到沙津及前菜，帶子沙津d菜好新鮮，食完好開胃，但最正係粒帶子，燒得好香，而且整盤沙津也有柚子汁的味道，令到沙津菜味道更加豐富而且能夠突出帶子既鮮味。炒香菇什菌都炒得好香，食到停唔到口，絕對係小食既必選之一。
跟住終於等到呢個意大利飯，侍應離遠行緊黎，已經聞到d香味，黑松露仲要係另上!! 唔好以為蟹裡面係冇野，內裡係充滿飯、蟹膏同蟹肉，份量其實都唔細，將d飯加黑松露混合一齊食，簡直係人間極品，絕對係我成世人食既意大利飯黎講最好食，飯夠黏加上蟹膏撈埋一齊、食落一點也不膩，一般的意大利飯都好膩，但今次呢個我地係食到停唔到口。大家都話"早知一人食一個啦"，真係回味無窮。
豬手好大隻好肥美，會唔會好難切? 唔駛擔心，侍應會好細心幫你切好埋，豬手外脆內軟，十分juicy，而且不像出面的只有死咸還有口感岩岩好，不會過韌，大家記住點旁邊的蜜糖芥末汁，甜甜的，很不錯。
最後就到甜品，聽侍應講，呢個雪芭係由意大利運過黎，食落口好清新同冰涼，豐富既檸檬味而又不會太酸加上微微的甜味，絕對係解膩之選。
最後埋單，2個人，每人around 300蚊，咁好既環境加咁正既野食，完全不算貴。
張貼
