正宗印度菜館

營業中

休息中

我同屋企人其實都幫趁左呢間印度餐廳有好幾年喇，佢真係好正宗。雖然佢間舖有點舊有點細，但啲野好味緊要過其他野囉。我知好多人嚟都係食set lunch, 但其實佢其他野都好好味，而我地嘅推介就有咖哩羊肉、雜菜咖哩角，烤雞肉卷食咖哩一定要配Nan, 我地鍾意揀牛油口味，因為咁就唔會搶左咖哩本身味道。不過要提醒一下， 佢啲菜如果寫左係辣嘅話就係堅辣😵，唔係講少， 所以唔食得辣嘅記得同店主講聲，佢會幫你減辣的😊。又或者可以點個沙律中途清清口。其他有幾味炸物都好香口好好味，但就好鬼熱氣架。不過我地通常都係食左先算，冇有怕，最多出去飲涼茶嘅啫。鍾意食印度菜嘅人一定要去呢間試下。