重慶洪鼎火鍋 (已結業)

終於約到呢個大忙人啦，搵佢同我打邊爐，搵咗幾個月終於等到啦，今次嚟食呢個正宗洪崖洞麻辣鍋，叫咗個鴛鴦鍋，加咗個松茸什菌湯，松茸湯底好香濃仲可以飲㗎。麻辣鍋好夠辣好惹味啊！食物嘅選擇都好多啊，又有唔同嘅特色食物，就好似五色火鍋小籠包咁，當中有唔同嘅味道，而我最鍾意就係食黑松露味！一嚟就叫個打邊爐必食嘅炸魚皮先。食麻辣鍋又點可以唔食鴨血啊，鴨血淥完都唔會散開，正啊。仲有唔係度度都食到嘅牛黃喉，好爽口，配埋麻辣真係一絕！西班牙黑毛豬梅肉，烚耐都仲好嫩啊，好味啊另外仲叫咗個海鮮拼盤，有仲好生猛嘅蝦、鮑魚、活石蚌魚刺身、貴妃蚌。特別一提活石蚌魚刺身好新鮮，除咗當刺身食之外仲可以打邊爐，就完淥完都仲好滑啊。