影片
更多
2020-06-19
381 瀏覽
經過一個星期工作既洗禮之後，決定同朋友享受一個美味既法式晚餐～La Creperie 係一間好有法式風味既可麗餅餐廳，比人一種好放鬆既感覺。餐廳入面會有好多碼頭/ 海邊既元素，比如餐台上面既燈塔形狀既鹽同胡椒粉樽，Bar台前面既粗麻繩。原因係可麗餅既發源地Brittany係一個海邊既城市，據聞當年可麗餅既普及源於一個水手從中東帶左buckwheat，並用佢製成薄餅，而呢種薄餅亦成為左Brittany既特產。呢度所有既可麗餅都係即叫即做，鹹既叫Galette，用Buckwheat做base，顏色呈啡色；甜既叫Crepe，用小麥製成，係淡黃色既。唔食Gluten既朋友可以要求crepe用buckwheat flour做架。我地先叫左一個鵝肝做頭盤。佢地既鵝肝係自家製既，配上煎過既蘋果，加上apple cider sauce，放係烘過既麵包上面。蘋果既甜味同cider sauce既酸味中和返鵝肝既油膩感，真係幾唔錯～主菜係 LA GUEMENE，入面有蓋梅內香腸（Andouille de Guémené）、Emmental cheese同埋焦糖洋蔥。所謂既蓋梅內香腸，其實就係法式豬大腸。如果
餐廳入面會有好多碼頭/ 海邊既元素，比如餐台上面既燈塔形狀既鹽同胡椒粉樽，Bar台前面既粗麻繩。原因係可麗餅既發源地Brittany係一個海邊既城市，據聞當年可麗餅既普及源於一個水手從中東帶左buckwheat，並用佢製成薄餅，而呢種薄餅亦成為左Brittany既特產。
呢度所有既可麗餅都係即叫即做，鹹既叫Galette，用Buckwheat做base，顏色呈啡色；甜既叫Crepe，用小麥製成，係淡黃色既。唔食Gluten既朋友可以要求crepe用buckwheat flour做架。
我地先叫左一個鵝肝做頭盤。佢地既鵝肝係自家製既，配上煎過既蘋果，加上apple cider sauce，放係烘過既麵包上面。蘋果既甜味同cider sauce既酸味中和返鵝肝既油膩感，真係幾唔錯～
Foie Gras 法式鵝肝
$138
8 瀏覽
0 讚好
0 留言
主菜係 LA GUEMENE，入面有蓋梅內香腸（Andouille de Guémené）、Emmental cheese同埋焦糖洋蔥。所謂既蓋梅內香腸，其實就係法式豬大腸。如果你本身鍾意食內臟既話，應該會覺得幾好食，估唔到焦糖洋蔥同豬大腸會咁夾🙈
LA GUEMENE
$138
14 瀏覽
0 讚好
0 留言
最後甜品叫左 LES VOILES DE SAINT TROPEZ，入面有雲呢拿雪糕、焦糖蘋果同海鹽焦糖醬，呢個一睇個配搭已經知道會好食。放入口值能夠用幸福黎形容～
LES VOILES DE SAINT TROPEZ
$88
13 瀏覽
0 讚好
0 留言
最後提醒：如果星期五晚去，記得要book呀：）
張貼
