牛霸王

營業中

休息中

星期六同老公到觀塘牛霸王食晚餐。招牌手打和牛漢堡蘭王蛋飯揀左配秘製漢堡汁同日式泡菜，呢個飯分左幾層，最底層有漢堡汁同白飯，跟住係漢堡、日式泡菜、白蘿蔔蓉，最上面係生蛋黃。漢堡非常鬆軟，撈左蛋黃變得更加滑身，再撈埋啲汁食，非常好食。要食就要早啲黎食，因為係限量供應架，真係會賣晒架。濃茄野菌燉牛肋肉飯牛肋肉非常軟腍，番茄汁酸酸甜甜，激發食慾，呢個都好好食。唐揚魷魚咀以優惠價$18就可以食到，卜卜脆，幾惹味。牛肉薯餅外皮好脆，內裡綿密，正。飲品叫左熱柚子蜜同白桃烏龍。