胡蝶 • 泰

營業中

休息中

餐廳而家做優惠，只要消費滿$150就可以免費獲贈火熖燒雞一隻，非常抵食🦐自家製炸蝦片每枱都有一客，外表金黃酥脆，蝦味濃郁，味道甜甜地，妹惹味。🐣泰皇火焰燒雞會即場係面前點火，雞皮烤至金黃酥脆，香氣十足。 而且雞肉嫩滑多汁，基本上唔使點汁都好惹味🦀秘製咖喱海鮮農夫包咖喱香濃郁偏甜味，唔食得辣都唔怕，海鮮除左鰕、魷魚等等，仲有原隻軟殼蟹，包皮鬆外面香脆，裡面心口煙韌，用黎點咖哩一流🦑香脆魷魚配青檸汁魷魚肉質好爽口，食得出好新鮮，經過油炸後同外層既脆皮相輔相成。配埋酸甜的青檸汁，可以去除油膩，清爽解膩。🥬泰式肉碎生菜包肉碎炒得好香，加入泰式香料，風味獨特。搭配清爽既生菜，口感層次豐富。🥩美國安格斯牛小排牛小排肉質鮮嫩，經過燒烤後仲保持到軟嫩多汁。每一啖都充滿牛肉香氣，一d都唔會輸俾西餐廳。