獨當一麵 (已結業)

尋日中午朋友帶我去試呢間胡椒豬肚米線，凍凍地既天食一碗咁濃既胡椒豬肚，真係好暖胃😍胡椒豬肚可以揀淨係湯或者加面、米線，今次就試左米線，因為比較入味，但本身米線口感一般。仲有辣度之分，朋友建議我先試微辣（辣係指胡椒的個種辣），已經覺得好濃好暖胃。另外，湯內本身已有豬骨，豬肚，雞腳，咸酸菜等配料，但餐廳好貼心，可以比人揀走雞腳衣d配料。湯本身好入味，豬肚食落好爽，豬骨都會有少少肉都唔錯，雞腳都好入味，咸酸菜就一般般，太軟身。但43蚊一碗黎講，份量算幾夠，配料亦唔會話太少，但味道算係十分唔錯，絕對會想去食多次。