澳瑪葡國菜 (已結業)

今日同一大幫朋友去食葡國菜。係香港好少正宗既葡國菜，位於尖沙嘴海港城既alma個人覺得唔錯，菜色選擇頗多，而味道亦唔錯 前菜叫左個炸馬介休薯球，口感非常豐富，有新鮮馬介休味再混合埋幼滑既薯蓉，外層炸到香脆，好好味！ 仲有呢款葡式肉腸煎蛋都好正  肉腸好濃味同好多肉汁，而煎蛋並唔會太熟，剛剛好，兩者加埋一齊既口感好特別 呢味烤豬耳沙律亦都非常特別，好少可以係香港既餐廳揾到呢味菜。首先我覺得豬耳處理得好好，唔會有内臟味，而且有好濃香料味，非常有特色 之後主菜試左好幾款，首先黎個葡式肉腸焗鴨飯，係 menu見到覺得佢個樣有d似臘腸飯哈哈，原來係葡式肉腸同鴨肉，仲要係推介菜色所以就叫黎試下。飯本身軟綿度適中，唔會太乾身，而上面肉腸肉汁豐富，我覺得唯一美中不足就係味道又d偏淡。 主角終于登場啦！呢度既招牌菜色炭燒霹靂春雞，燒得非常香，而且肉質嫩滑，連鷄胸部分亦好滑，同埋個醬汁都好特別酸酸地，好開胃,正 厨師推介仲有呢度葡式烤乳豬（薯條+ $30），表皮烤的非常香脆, 裏面仲係保持肉嫩多汁，配埋個醬汁非常好食。而薯條亦都係即叫即做，好新鮮 之後再黎個馬介休薯蓉批好入味，亦唔會