影片
更多
2019-09-13
40 瀏覽
今日放工好想心郁郁想打邊爐，最後黎左佐敦呢間二家姐打邊爐。叫左一個重慶麻辣鴛鴦鍋，中間係藥膳清湯，外圍係麻辣湯。首先叫左招牌豬脷小食食住先，之後就叫左中size既安格斯牛頸脊、必食No.1鴨血、四川貢菜、甜冬瓜片、蓮藕片、北海道蟹柳棒、炸芋片同埋叫左佢地自家製既山楂甘草茶！個湯底好正！中間藥膳湯好似人地煲老火湯咁，足料入味！麻辣都係好足香料，夠辣夠好味！豬脷前菜，麻油同芝麻配合埋豬脷好食👍🏿又開胃！牛頸脊賣相吸引，薄薄地一塊配合埋麻辣湯，正👍🏿鴨血👍🏿👍🏿👍🏿，大大塊份量多，放落麻辣湯，吸晒d辣味正！佢地既蔬菜全部都好新鮮！蓮藕、貢菜爽，冬瓜甜！超級推介佢既炸芋片😍可以就咁食，皮炸得香脆，入面又夠粉😍而又可以放落去打邊爐食，浸完湯好入味，最重要一碟好多塊！加推佢既自家製山楂甘草茶，酸酸甜甜，好好味！
張貼
