花丸 (已結業)

話說前排要慶祝週年，想食特別啲，唔想食放題打邊爐，就搵到呢間自製小丸子同御好燒，估唔到有驚喜😍 御好燒好足料，仲有隻蛋打佐落去。根據佢個 instruction，只要將碗入面既材料撈勻之後倒落個鐵板就可以。最挑戰係反轉個御好燒個下，一唔小心就會整到散曬。佢個味道調得唔錯，唔會好似食緊粉漿咁。 自製小丸子仲正😍 有原粒章魚同好多蟹子。本身以為好難整，但點知自己整都可以整到外脆內軟😆另外呢杯巨峰可爾必思都好值得叫，酸酸甜甜咁，唔會好藥水味。