小魚兒 (富麗花園) (已結業)

早排去咗將軍澳食晚餐-小魚兒。好多人都嚟呢度食野，六點幾嚟就已經好多位已經滿哂。餐廳嘅牆壁都有可愛嘅小魚兒既壁畫，好可愛。喺呢度食，唔使返大陸都可以食到正宗嘅烤魚，仲可以放心啲🤣1️⃣江團烤魚 $348我揀咗新鮮嘅九葉花椒BB豆花。江團魚烤得好香，啖啖都係鮮嫩多汁，因為揀咗BB辣所以唔係太辣，仲有大量嘅豆腐，唐生菜同白飯一齊食，真係好開胃。份量都好足，夠朋友一齊分享。配菜加左唐生菜同白飯2️⃣香蒜燒茄子 $48茄子嘅份量超級大，燒得剛剛好，好多蒜蓉。加埋蒜香，味道更加濃郁，好好味。總括而言，小魚兒嘅菜式實在太出色。食物新鮮，味道正宗，價錢亦合理。服務態度友善，環境舒適。