The BASE nature (已結業)

快到情人節了，當日就唔得閒所以想提前慶祝，荃新天地有間西餐其實一直以來我都想試吓，剛巧見到OpenRice有八折優惠，咁當然要試吓啦，咁我當期時去咗間餐廳度，大約8:00左右，坐滿左七成人，以今時今日香港嘅情況生意都唔差啦，先睇睇餐牌先咁我就睇咗食評就試吓個澳洲牛肉漢堡包加鴨肝，咁我女友就叫咗個黑安格斯肉眼，嘢食大約15分鐘左右就到啦，忘記咗一題加$39就可以加多個湯及飲品，首先講湯先，好飲超正再加埋個多士簡直係絕配，個漢堡我加鴨肝，個包好足料有鴨肝，蘑菇，煙肉，牛，鴨肝好正，所以建議$50都一定要加，其他嘅都好味，對比底下塊牛可能差少少，我哋叫咗半成熟，但我都覺得幾熟，所以冇乜牛味，下次可以再叫3成，塊牛好多肉汁，未至於話好差，最後埋單折後$500左右，其實都唔錯下次可以再嚟試吓。