九龍坎麻辣火鍋 (僑冠大廈) (已結業)

⍣以宮廷風作主題嘅呢間四川火鍋店，裝修有特色，古色古香，食物選擇多元化，估唔到連甜品都咁出色😍之後唔使特登返深圳食，係香港食都得！最鐘意佢有好多食材都可以選擇小份，即使兩個人都可以試多啲唔同嘅嘢食！調料茶位每人$23，可以任食蔬果、麥茶及醬料自助，記得要試下個調和油，可以降溫又夠香！今日嘅蔬果係蜜瓜及青瓜，蜜瓜清甜，食咗好多件呢🤭呢間仲可以join會員，優惠都幾吸引⊙三國演義鍋 $116分別揀咗輕成都口味、菌湯及高湯，一款辣、兩款唔辣🙌🏻 輕成都口味要咗小辣，香麻惹味，唔算好辣，但好夠味，好啱淥啲肉類，好好食😋蔬菜我就揀返唔辣嘅湯底，兩款都好清甜呢～⊙招牌手切牛肉 小份 $123油脂均匀好靚仔，入口軟嫩，充滿脂香，口感非常好，又係必食呀！⊙功夫腰片 小份 $56刀功要好了得先可以切到大大塊又薄薄地，淥20秒就食得，口感非常爽嫩，感覺都幾新鮮！⊙炸魚皮 小份 $26十分爽脆、香口，配埋啤酒一流呢🫶🏻⊙手工豆皮 小份 $20豆味香濃，口感煙韌，配搭麻辣湯底，吸曬啲汁，十分惹味😋正正正⊙湄公河巴沙魚 小份 $43第一次食呢隻魚，冇刺，肉質相對好滑身～⊙九龍坎毛肚 小份 $73大大塊毛肚，淥1