華豐藥業保健藥療營養湯 (已結業)

唔講都唔知原來呢度開左咁耐，仲係零六年已有食評，而最近有班不停留負面commet嘅人，真係匪夷所思。由於會員限定，所以係靠友人先訂到位。上到黎，好有住家feel喎，好快就安排入坐。點左幾款小菜同主打嘅保健靚湯。豆豉雞，望落好油，食落都係，麻麻。芋頭排骨，賣相一般，芋頭好淋好滆，又係麻麻。豉汁蒸鱔，汁幾濃，幾好味。西蘭花炒帶子，炒得夠鑊氣，味唔錯。蒜容菜心，呢個真係好住家feel，無特別。主打嘅湯水要左花膠湯同龜苓湯，湯比較稀同淡，飲得出無味精但都係好一般囉。整體感覺麻麻，一般嘅味道，一般嘅服務，除非你好愛呢啲住家嘅感覺囉，但我家煮嘅餸無咁油喎。