諾亞半熟蛋糕專門店 (已結業)

同媽媽係西九龍行街，見到近期大熱嘅諾亞半熟蛋糕店梗係要停低睇睇，鋪頭唔大間，一眼睇晒2個雪櫃入面嘅蛋糕，細細地都有好幾種蛋糕。身為芝士控見到芝士蛋糕無理由唔揀佢呀！但係芝士配香蕉，令我好懷疑佢地出來的味道，於是問下店員邊隻味最多人買，佢話蜂蜜同香蕉芝士，好啦，既然咁多人買又係無芝士不歡，一於買個香蕉芝士試下。食完飯好心急試味，但店員千叮萬囑我食之前一定要攞出來解凍20分鐘先做到個種流心效果。20分鐘已過，真係好流心呀！點都假，味道最重要！最怕食到好假的香蕉味，感覺似吞緊一堆化學品落肚。但呢個香蕉味完全俾到驚喜我，食得出用真香蕉做的個種清甜味，淡淡香蕉味，比香蕉cupcake更重香蕉味，芝士的咸香味同香蕉原來係咁夾，忍唔住食多件，哈哈。蛋糕本身比較一般蛋糕濕潤，配合本身凍凍地，令口感又唔會痴住個口，普遍芝士蛋糕有的情況佢都解決到👍🏻,買個陣咁岩做promote送支烏龍茶，茶配甜品，從來都係無敵嘅！真係估唔到香蕉同芝士可以咁夾，食完仲有香蕉味係個口，呢個蛋糕好驚喜！屋企人都好鐘意，一下子已消滅完，哈哈！ 下一次會再買香蕉味😆