From Seed To Wish (已結業)

.自第五波疫情開始，呢間cafe因為係痴住戲院，戲院關佢地又要關，斷斷續續到上個月尾終於開返，我就同老公黎試試😋好光猛、地方好寬敞既一間cafe，店入面仲有各種各類既植物，成個感覺好relaxing😌香蒜欖油辣蝦扁意粉 ($88)賣相吸引，份量都唔少架。都有幾多粒蝦，而且係彈牙既。香蒜味略嫌唔算好重，雖然係用欖油整但意粉食落完全唔油膩，好好食既😋我比較鍾意呢種意粉整法，冇平時食個啲咁creamy咁漏，fresh d~香煎魚柳配黃薑燴飯($88)呢個大推👍🏼好香黃薑味。risotto整得好好，唔會好水都唔會好杰，米粒粒分明，全熟既，入哂黃薑味。魚柳有兩大塊，應該有用黃薑汁煮過，煎得好香，啲魚都好滑好軟身，真心好食😋Lunch 有包一杯熱茶或自家制檸檬梳打個日既熱茶係洋甘菊茶，雖然係茶包，但好大個好足料，好重洋甘菊味，絕對唔hea~檸檬梳打都好大杯，酸酸地，老公話好飲過檸檬茶🤣另外值得讚既係店員們都好nice 好有禮貌，會講解menu lunch包咩飲品，上菜個陣會講enjoy thank you ~ 唔係啲咩特別，但作為食客會覺得服務態度好好，但呢到係冇加一服務費的😯所以呢個價錢呢個質素