好湯好麵

營業中

休息中

一個人路過，發現平日排隊等成粒鐘既餐廳門口居然罕見地冇人等位，所以立刻走入去一嚐美食。入面其實有好多人，不過安排左樓上比我，環境比較寧靜同寬敞，唔錯。茶水餐牌小食、主食、飲品都有。飲品叫左一杯 冷泡桃香雲南紅茶，HKD 19老實講，唔係好飲得出有桃品，同平時飲嘅茶差唔多，濃道適中，都算幾好飲。主食叫左蠔皇豬豬佢話材料有蠔肉、蝦尾、五花腩豚肉、豬肉、蝦子咁黎到，有兩隻蠔，size都ok，中等，唔係蠔仔，肉都多嘅。蝦尾有3-4隻，五花腩豚肉就係剪開咗、小小片的，有4-5片左右，另外有一啲肉碎，蝦子嚟嘅時候見到有，一撈就溶曬。蠔肉蝦有一些芽菜和肉碎麵係扁陽春麵。個人認為唔好就咁用筷子夾嚟食，因為會有少少淡；一定要夾落匙羹度，然後連埋湯一齊食先有味。湯底幾入味，值得一讚。環境方面，店內一直播住純音樂，係一啲廣東歌同台灣歌，香港人耳熟能詳，隔離位間唔中跟唱上一兩句，氣氛幾好。員工服務態度都好，上野食前會提客上小心，路過需要攞嘢又會講唔好意思。