甘饕 (已結業)

呢間之前經過但係未試過因為屋企人好鍾意食燒鵝於是就帶埋佢去試晏晝我試咗佢嘅二人餐揀咗燒鵝瀨粉燒鵝賣相好靚，肥瘦適中點冰梅醬好好食而且佢唔會好韌，啲皮都幾厚食落好甘香，同時唔會好肥啲瀨粉都幾大碗，而且湯底唔會太濃而且佢煮得啱啱好，幾爽口加埋啲燒鵝一齊食好正另外有滷水豬肚，第一次食覺得幾好食醃得好入味，而且咬落好爽套餐包埋兩個例湯，係老樹黃瓜豬骨湯個湯夠火喉，唔會覺得係味精水而且都幾足料整體唔錯，幾好食價錢適中，食物質素OK環境方面唔算好大，不過都闊落唯一一樣野就係冷氣唔係好夠，食食吓好熱有機會會試埋佢嘅叉燒