JK Kitchen (已結業)

今日我同朋友係銅鑼灣行街街，行到大家餓啦！朋友問我知唔知附近有咩好介紹，我之前就食過呢間----JK Kitchen，印象對佢都唔錯於是就帶朋友前往再食多次。當然今次試下唔同嘅美食啦！生牛肉雞絲湯河，熱熱嘅湯河話咁快就上枱啦！河粉好柔軟呀！香噴噴，先試下個湯，都幾正 唔會太咸 味道岩岩好！牛肉好入味，完全吸哂湯汁，雞絲都好鮮嫩，我好滿意。然後我中叫左個米紙卷，透明嘅薄皮包住各式各樣嘅餸。 有蝦，有猪肉，同埋其他配菜，當然要配埋佢嘅甜醬先係最滋味嘅。花生碎係甜醬嘅面，可以點埋去紙卷一齊食，我食完中想食，但份量就得4卷。大食嘅朋友可能再叫多碟啦！其他配菜有芽菜，青檬同辣椒 ，以自己加入湯底，更加滋味。