影片
更多
2018-12-03
2882 瀏覽
上星期五同男朋友屋企人去左Pepino食飯，好彩去之前有Openrice睇過下，如果唔係真係搵唔到個餐廳入口，原來個門口真係好得意要經過buffet corner先入到去。 由於食飯前一兩日Auntie已經同餐廳order 好食乜，所以去到都唔駛睇餐牌就有野食喇~ 講返個餐廳氣氛其實唔錯，唔係好多人， 安安靜靜大家傾下計真係幾舒服。因為我遲到，所以冇乜影到環境既相首先有個蒜蓉包，真心好食，好香好脆，就咁食已經好好食，配埋個醬真係好想encore，不過後面仲有好多野食， 所以都係留返下次跟住呢個餐前包可能我食既時候已經唔夠熱，相比頭先個蒜蓉包就變左冇咁吸引到Appetizers出場，Appetizers 1 - Ham，味道唔錯Appetizers 2 - 生牛肉沙律，平時好少會食生牛肉，但呢個真係不得了，一放入口D牛肉味出埋黎，好香。其實個感覺有少少肥，但加埋D菜一齊食，即刻中和哂。好好味~Appetizers 3 - Parma Ham，賣相真係好靚，全碟連菜同生果都掃清哂，正!!Appetizers 4 - 鵝肝，平時有係好少食，不過一放落口又係不得了，煎得好香。鵝肝D油加埋下面個
講返個餐廳氣氛其實唔錯，唔係好多人， 安安靜靜大家傾下計真係幾舒服。因為我遲到，所以冇乜影到環境既相
首先有個蒜蓉包，真心好食，好香好脆，就咁食已經好好食，配埋個醬真係好想encore，不過後面仲有好多野食， 所以都係留返下次
跟住呢個餐前包可能我食既時候已經唔夠熱，相比頭先個蒜蓉包就變左冇咁吸引
到Appetizers出場，Appetizers 1 - Ham，味道唔錯
Appetizers 2 - 生牛肉沙律，平時好少會食生牛肉，但呢個真係不得了，一放入口D牛肉味出埋黎，好香。其實個感覺有少少肥，但加埋D菜一齊食，即刻中和哂。好好味~
Appetizers 3 - Parma Ham，賣相真係好靚，全碟連菜同生果都掃清哂，正!!
Appetizers 4 - 鵝肝，平時有係好少食，不過一放落口又係不得了，煎得好香。鵝肝D油加埋下面個脆麵包，完全係無敵，呢個一定係必食之一。
食完個超級好食既鵝肝就要食返個salad 中和一下，準備迎接主菜
Main course 1 – 香橙魚，其實我唔太知呢個係乜野魚，不過覺得個橙味原來同個魚都幾夾。值得一試。
Main course 2 – Pizza，個Pizza好香，應該落左truffle oil，食完都唔會有好油膩既應覺
Main course 3 – 卡邦尼意粉，侍應好有心機咁解釋原來意大粉係唔用芝士只係用 cream。食落真係唔覺，好好味~ 連uncle 係意大利人都覺得正宗。
Main course 4 – 大蝦，呢個就一般般，可能因為食既時候已經凍左。但隻蝦真係好大張，D肉都幾結實。
Main course 5 – 羊扒，其實食到尼個時間已經好飽。不過呢個羊真係整得唔錯，好香，生熟程度啱啱好。男朋友話飽都忍唔住食多件。
Main course 6 – 最後呢個牛(唔記得係牛肩定牛膝)，汁既味道唔錯，不過肉就一般。唔係太香肉味同埋個肉質有D”鞋” 。
最後係甜品時間，成個盆放上黎真係好靚好吸引。Macaron 都幾好食，唔似出面咁得個甜字。
總括成餐飯都好好食，有機會都會再同朋友黎食下。侍應態度真係好好，每道菜都會有少少介紹。全既環境好舒服，想住得舒服下傾下計係幾好。呢間餐廳既餐紙都好有心思，可惜唔記得影，餐紙會介紹尼度傳統菜式，有食譜教你煮意粉，仲有遊戲玩tim。我地食食下都有一齊玩下，個人認為比起而家食飯成日玩電話氣紛好好多，有多D互動。
張貼
