喜越 (已結業)

就咁一個越南包要＄68聽落好似有啲貴，但係一試你就會覺得物超所值。個包好足料，除咗叉燒同扎肉，仲有煎蛋醃蘿蔔同唔同嘅醬料，配合起嚟好夾，味道同埋口感有好多層次。啲叉燒好林，一啲都唔乾。個包都好好味外脆內軟。對我來講個包可能咸左少少，不過我本身食得清淡，所以我估其實大部份人應該都好啱口味。其實我仲有好多野想試，不過個包好大份，食完都相當飽。如果可以揀半份，咁就算一個人都可以試多啲野。值得讚嘅係職員嘅服務好好，好好笑容同埋會問你對啲嘢食嘅意見，好有心去運作呢間餐廳，真係唔係度度有。希望呢間有心嘅小餐廳業務蒸蒸日上！