影片
更多
2017-01-26
2179 瀏覽
放假想同朋友食好啲，見呢間新開餐廳幾hit就去試下啦😚餐廳環境唔錯，啲裝飾擺設幾特別，燈光暗暗地，好適合同朋友談下心～Meun一塊兩版過，好大塊，菜式都好多。我地今晚唔太餓，所以只叫咗一個前菜，一個主菜，一個甜品同一款飲品👍🏻前菜揀咗伊比利亞黑毛豬辣肉腸（Half plate $68）配Tomato Bread ($45)辣肉腸雖乾身，但食嘅時候會有少少肉汁滲出，好香。Tomato Bread配埋醋一齊食，好開胃😋主菜叫咗一個飯，嚟到西班牙餐廳又點可以唔試下西班牙飯呢～我地叫咗The Green One，其實係鱈魚蜆肉青椒伴香草飯($168)😚賣相好靚好吸引，好多蜆圍住，頭上面就有魚塊。雖然啲蜆唔係太大粒，但至少數量多，同埋無沙👍🏻本時唔鐘意食魚嘅我都食咗唔少，肉質唔削，幾入味～最好食係個飯，完全吸晒配料嘅味，香草味好濃😍熱辣辣，真係食唔停口！飲品方面，我地叫咗Apple Sanria Cocktail By Jar 1000ml ($320)一開始見到好大Jar有啲驚，但其實酒精量唔高，幾適合女仔傾下計時飲。除咗有好多蘋果，酒入面嘅蘋果味都好香，因為有apple juice 同 ap
餐廳環境唔錯，啲裝飾擺設幾特別，燈光暗暗地，好適合同朋友談下心～
Meun一塊兩版過，好大塊，菜式都好多。我地今晚唔太餓，所以只叫咗一個前菜，一個主菜，一個甜品同一款飲品👍🏻
前菜揀咗伊比利亞黑毛豬辣肉腸（Half plate $68）配Tomato Bread ($45)
辣肉腸雖乾身，但食嘅時候會有少少肉汁滲出，好香。
Tomato Bread配埋醋一齊食，好開胃😋
主菜叫咗一個飯，嚟到西班牙餐廳又點可以唔試下西班牙飯呢～我地叫咗The Green One，其實係鱈魚蜆肉青椒伴香草飯($168)😚
賣相好靚好吸引，好多蜆圍住，頭上面就有魚塊。
雖然啲蜆唔係太大粒，但至少數量多，同埋無沙👍🏻
本時唔鐘意食魚嘅我都食咗唔少，肉質唔削，幾入味～
最好食係個飯，完全吸晒配料嘅味，香草味好濃😍
熱辣辣，真係食唔停口！
飲品方面，我地叫咗Apple Sanria Cocktail By Jar 1000ml ($320)一開始見到好大Jar有啲驚，但其實酒精量唔高，幾適合女仔傾下計時飲。
除咗有好多蘋果，酒入面嘅蘋果味都好香，因為有apple juice 同 apple cider！
飲落甜甜地，好容易入口，入口之後慢慢會有white wine嘅味道出嚟💗
呢個價錢值得一試👍🏻
甜品方面，其中一個係鬼佬油炸鬼Churros伴香草雪糕($52)Churros細細條，有4條。
炸得好脆，灑上砂糖，點埋雪糕食，外冷內熱👍🏻
雪糕好滑，奶味較重，價錢偏貴。
呢到除咗野食質素高，服務仲好好！一開始我坐係到等朋友，待應會行嚟主動問我有無野要幫手/介紹下菜式～
每次上菜都會簡單介紹一下，仲好熱情咁同我地傾計，好nice👍🏻😝
張貼
