Shine (已結業)

喺尖沙咀放工，就同朋友來公司附近食多人推介嘅Shine。喺地鐵站附近，位置非常之方便，加上環境又舒適，有啲卡位可以方便3-4個朋友聚會。食物選擇都好多，同朋友諗咗好耐先決定到叫咩，因為好多嘢都好想試！龍蝦湯🦞好濃嘅龍蝦嘅鮮甜味，再點埋塊香脆嘅麵包，將啲鮮味大大啖咁食落肚，好正！黃金手工蝦餅兩個人叫一件share都可以，因為一件都幾大。切開一半，就會見到入邊有大量嘅蟹肉！個皮炸得好香脆，配埋新鮮嘅蟹肉，口感層次豐富，再配埋個秘製泰式辣汁，好開胃！極上海膽意粉個意粉一到，同朋友就嘩咗一聲，因為好大嚿海膽，同埋大量嘅大大粒三文魚籽！影相嘅時候已經聞到好大陣海膽嘅香味～睇相都應該睇得出個汁係幾咁濃，海膽一啲都唔聲，直接食都非常啲甜，再配埋啲意粉一齊食，香濃得來唔會太鹹，非常滿足特級安格斯漢堡個漢堡係非常之厚身，因為入邊有大量嘅配料，特別要讚嘅係佢入邊有塊大啡菇，好好味。個芝士汁調得好好，食起上嚟一啲都唔膩。薯條份量好多，而且炸得好香脆，食到舔舔脷！下次會再同朋友嚟食，試佢其他Menu！